АҚШ жанубида 13 апрелга ўтар кечаси содир бўлган торнадо оқибатида камида 30 киши ҳалок бўлди, деб хабар бермоқда USA Today.
Аввалроқ штат расмийлари ва маҳаллий ОАВлар 19 киши ҳалок бўлгани, 10 дан ортиқ одам жабрланганини маълум қилган. Табиат ҳодисаси тошқинлар ва кўчкиларга олиб келган. Ҳодиса оқибатида 10 та штатдаги 750 минг хонадон электр энергиясиз қолган, дарахтлар қулаган, юзлаб уйларга зарар етган.
Қайд этилишича, ҳалок бўлганларнинг 11 нафари Миссисипида, 19 нафари Жанубий Каролинада, 6 нафари Жоржияда, қолганлари Арканзас ва Шимолий Каролинада қайд этилган.
АҚШ метеорология хизмати маълумотларига кўра, ишбу торнадо сўнгги 8 йилда энг ҳалокатлиси бўлди. 2012 йилнинг март ойида АҚШнинг марказий ва жанубий штатларини қамраб олган торнадо оқибатида 40 киши ҳалок бўлган.
Эслатиб ўтамиз, март ойида Американинг Теннесси штатига ёпирилган торнадо оқибатида 25 киши ҳалок бўлган, бир неча одам бедарак йўқолган, уйлар, бинолар вайронага айланганди.
Изоҳ (0)