Қирғизистонда коронавирус инфекцияси билан касалланганлар сони 430 кишига етди. Бу ҳақда республика COVID-19’га қарши курашиш штабига таняниб, «РИА Новости» хабар берди.
«14 апрель ҳолатига кўра, яна 11 кишида COVID-19 тасдиқланди», — дейилади хабарда.
Шундай қилиб, бутун Қирғизистон бўйлаб коронавирус билан касалланганлар сони 430 кишига етди, беш киши вафот этган. Касалларнинг 11 нафари оғир аҳволда. Дастлабки маълумотларга кўра, инфекцияга чалинганлар билан 7 мингдан ортиқ одам алоқада бўлган. Даволанишга муваффақ бўлган 71 беморга шифохонадан рухсат берилган.
Пандемия сабаб республикада 15 апрелга қадар фавқулодда ҳолат режими жорий этилган. Аввалроқ Қирғизистонда коронавирус билан касалланган тиббиёт ходимлари сони 79 нафарга етгани ҳақида хабар берилганди.
Ўзбекистонда 14 апрель соат 10:00 ҳолатига кўра коронавирус инфекциясини юқтириб олган фуқаролар сони 1054 кишига етди. Ўзбекистонда коронавирус инфекциясига чалиниш билан боғлиқ дастлабки ҳолат қайд этилганидан бери 85 киши соғайди, тўрт киши (икки аёл ва икки эркак) эса вафот этди.
Изоҳ (0)