Коронавирус пандемияси аксарият одамларни офисдан масофавий ишга ўтишга мажбур қилди. Ходимлар шовқинли офисларни осойишта хонадонларга алмаштирди. Айнан шундай инсонлар учун imisstheoffice.eu —«Мен офисни соғиняпман» сайти ишга туширилди.
Сайтда ҳамкасблар ва ўзига хос товуш чиқарувчи буюмларга эга виртуал офис мавжуд.
Тинглаш тугмаси офисга хос барча товушларни бир вақтда ишга туширади: ҳамкасблар ниманидир баланд овозда муҳокама қила бошлайди, кимдир ҳужжатларни чоп этади, сув учун кулер ишлаб туради, вентиляция тизими овози эшитилади, телефон жиринглайди ва ҳоказо.
Сайт яратувчилари офис ҳажмини ҳам кўзда тутган. Бунда 10 нафаргача ҳамкасбни танлаш мумкин. Офисдаги шовқиннинг паст-баландлиги шунга боғлиқ.
Сайтда ҳатто интерфаол элемент ҳам мавжуд, саҳифада исталган буюм ёки ходимнинг устига боссангиз, у баландроқ овоз чиқара бошлайди.
Изоҳ (0)