Олимлар пластик идишларни 90 фоизга парчалайдиган ферментни топди. Қайта ишланган материалдан яна сифатли пластмасса олиш мумкин

Тулуза университети олимлари полиэтилентерефталата (ПЭТ) — пластик идишлар ишлаб чиқаришда фойдаланиладиган пластикнинг 90 фоизини парчалайдиган ферментни синтез қилди, деб хабар бермоқда Meduza. Янги тадқиқот Nature журналида чоп этилган.

Қайд этилишича, бугунги кунда ПЭТ-пластикнинг атиги 30 фоизи қайта ишланади. Мавжуд усуллар сифати паст янги материал беради — у қайта ишлаш давомида мустаҳкамлигини йўқотади, шу сабабли ундан чекланган равишда фойдаланилади.

Шу билан бирга, ПЭТ пластикнинг энг кенг тарқалган тури ҳисобланади. Унга дунёда ҳар йили ишлаб чиқарилувчи 360 тонна пластикнинг тахминан 70 тоннаси тоғри келади.

Тадқиқот давомида олимлар ПЭТни назарий жиҳатдан парчалай оладиган 100 минг хил ферментни синовдан ўтказган. Маълум бўлишича, биринчи марта 2012 йилда япониялик олимлар томонидан кашф қилинган ва барглар ўғитидан тайёрланадиган кутинза номли фермент буни қолганларига қараганда бир неча баравар самаралироқ амалга оширар экан.

Таъкидланишича, оқсиллар инженериясидан фойдаланилган ҳолда фемент фаоллиги ва унинг ПЭТни парчалаш қобилияти янада яхшиланган. Оптималлаштирилган кутинза 10 соат давомида бир тонна ПЕТ-пластикнинг 90 фоизини парчалаган. Қайта ишланган пластикдан тайёрланган идишлар сифатига қараганда оригинал партиясидан фарқ қилмаган. Бир тонна пластмассани қайта ишлаш учун зарур бўлган ферментнинг нархи бирламчи пластмасса нархининг атиги 4 фоизини ташкил этган.