Нижний Новгорд муҳандислари «КамАЗ-43118»ни етти метрли гараж-тиркама ва саунага эга ҳашаматли автоуйга айлантирди, деб хабар беради Motor. Автокемпер тўлиқ жамланмаси билан 13,15 миллион рубль (170 минг доллар), тиркамасиз — 9,65 миллион рубль (125 минг доллар) туради.
Ғилдираклар устидаги ноёб уй генератор, иситиш тизими ва кондиционер, шунингдек, қўшимча 200 литрли сув баки билан жиҳозланган. Автомобиль томига экспедицияга мўлжалланган юкхона ва электр энергияси билан таъминловчи қуёш панели жойлаштирилган. Буларнинг барчаси саёҳат вақтда автоуйнинг автоном бўлишини таъминлайди.
Ҳайдовчи кабинаси ётоқхона, аудиотизим, орқани кўриш камераси, шунингдек, қўшимча шовқин пасайтиргич билан жиҳозланган. Автокемпер ичидан 7200х2400х2000 миллиметрли ошхона ўрин олган бўлиб, камин-печка, тушлик зонаси, ярим ўлчамли каравот, телевизор ҳамда светодиод қандил ўрин олган. Қулай ҳарорат алоҳида иситиш тизими, кондиционер ҳамда иссиқ пол тизими орқали таъминланади.
Изоҳ (0)