Lamborghini компанияси Сант-Агата-Болоньезедаги заводида тиббиёт ниқоблари ҳамда юзни ҳимоя қилувчи воситаларни ишлаб чиқаришни бошлади. Тайёр бўлган маҳсулотлар Италиядаги энг йирик шифохона — Сант’Орсола-Мальпиги госпиталига топширилади, деб хабар беради Motor.
Суперкарлар интерерини жиҳозлаш билан шуғулланувчи бўлинманинг барча ходимлари ниқоб ишлаб чиқаришга йўналтирилган. Компания ходимлари кунига мингта ниқоб ва 200 та ҳимоя воситаларини ишлаб чиқариш имкониятига эга. Шунингдек, тажриба-конструкторлик бюросида жойлашган 3D принтерлардан ҳам фойдаланилмоқда. Ниқоблар клиникага етказилишида олдин Италия тиббий-жарроҳлик илмий департаментида сертификациядан ўтади.
Аввалроқ Chanel бренди ҳам француз соғлиқни сақлаш ташкилоти ишора бериши билан ҳимояловчи ниқоб ва халат ишлаб чиқаришга тайёр эканлиги ҳақида хабар берилганди.
Эслатиб ўтамиз, Европа мамлакатлари Хитойда ишлаб чиқарилган сифатсиз ниқоб ва коронавирус тестларидан бош тортган.
Изоҳ (0)