Жанубий Африка Республикасидаги «Демократик ҳаракатлар бирлашмаси» партиясининг аъзоси ҳамда маҳаллий қишлоқлардан бирининг раиси 72 ёшли Тшекеди Питсо вафот этгудек бўлса, ўзининг севимли автомобили билан биргаликда кўмишларини васият қилиб қолдирган. Бунинг учун сиёсатчи икки йил олдин Mercedes-Benz E500 сотиб олган, деб хабар беради Motor.
Питсонинг оиласи ўтган дам олиш кунлари маҳрумнинг васиятини бажо келтирди. У Mercedes рулига ўтқазилиб, хавфсизлик камари тақилган ҳолда дафн этилган. Марҳумнинг қариндошларининг сўзларига кўра, Тшекеди немис маркасининг ашаддий ишқибози бўлган ва шундай усулда дафн этилишни маъқул кўрган.
Шу турдаги ҳолат 2018 йили Хитойнинг Баодин шаҳрида ҳам содир бўлган. Ўшанда маҳаллий аҳолидан бири Hyundai Sonata седани билан бирга кўмилган эди.
Маълумотларга кўра, 2020 йилнинг январида Оклахома штатида 1998 йили ишлаб чиқарилган Plymouth Prowler вақт капсуласига айлантирилгани маълум бўлди. Машина ичидаги «саркофаг» 2048 йилдагина ошилиши керак.
Изоҳ (0)