Соғлом одамлар ниқоб тақиши шарт эмас ва ниқобнинг ўзи коронавирусдан ҳимоялашни кафолатламайди. «РИА Новости»нинг ёзишича, бу ҳақда Жаҳон соғлиқни сақлаш ташкилотининг расмий вакили Тарик Язаревич маълум қилган.
«Бизнинг бу борадаги фикримиз ўзгармади. Соғлом одамларнинг тиббий ниқоб тақиши талаб этилмайди. Касаллик аломатлари бўлганлар эса бошқаларни ҳимоя қилиш учун ниқоб тақиши керак. Шунингдек, беморларга қараётганларнинг барчаси касаллик юқтириб олмаслиги учун тиббий ниқоб тақиши шарт», — деган у.
Мавзуга доир:
«У бошқа чоралар билан биргаликда қўлланилиши лозим. Муаммо шундаки, ниқоб таққан одамларда ҳимояланганликнинг ёлғон ҳисси пайдо бўлиб, қўлни ювиш каби бошқа нарсаларни унутиши мумкин. Шунингдек, ниқобни тўғри тақишни билмасангиз, юзингизга одатдагидан ҳам кўпроқ тегишни бошлайсиз», — дея қўшимча қилган у.
Мавзуга доир:
Эслатиб ўтамиз, Ўзбекистонда 25 мартдан бошлаб жамоат жойларида ниқобсиз юриш тақиқланган. Ниқобсиз юрган шахслар жаримага тортилади.
Изоҳ (0)