Koronavirus pandemiyasi vaqtida tibbiyot xodimlari ishlatilgan tibbiy niqob va qo‘lqoplarni to‘g‘ri yechishga bag‘ishlangan musiqali videorolikni tasvirga oldi. Video polshalik diplomat Yasek Emil Sariush-Volskiy tomonidan tarmoqlarga joylangan, deb xabar beradi “Korrespondent.net”.

Foto: Pixabay

Rolik odamlar niqob yoki qo‘lqopni yechishda qanday xatoliklarga yo‘l qo‘yayotganiga bag‘ishlangan. Shuningdek, infeksiyani yuqtirib olmasdan himoya vositasidan to‘g‘ri qutulish usuli ham ko‘rsatib berilgan.

Avvalroq Fransiyaning Balenciaga va Yves Saint Laurent brendlari ustaxonalarida tibbiy niqoblar ishlab chiqarish yo‘lga qo‘yilishi haqida xabar berilgandi. O‘zbekistonda esa tibbiy niqob tanqisligini keltirib chiqarganlarga qat’iy choralar ko‘rilib, jamoat joylarida niqobsiz yurish taqiqlanmoqda, 25-martdan boshlab niqobsiz yurganlar jarimaga tortiladi.