Аргентинанинг Авельянеда шаҳрида ўтган асрнинг охирларида ишлаб чиқарилган Fiat ва Alfa Romeo маркалари сақланган омбор топилди. Барча автомобиллар умуман юрмаган ва ажойиб ҳолатда сақланган, деб хабар беради Motor.
Kaskote Colcos фирмаси вакилининг сўзларига кўра, омбор Ganza дилерлик марказига тегишли бўлган. 1990 йиллар охирида бизнесга эгалик қилган инсон вафот этган ва орадан ўттиз йил ўтгач автосалон ҳамда омбор жойлашган ҳудуд сотувга қўйилган. Ташландиқ ҳудуднинг янги эгаси у ердан Италия маркасига тегишли машиналар коллекциясини топиб олган.
Сотилмаган партиянинг ичида Fiat Uno ва Tipo хэтчбеклари, Dupo фургонлари, Denoa ва Tempra седанлари, шунингдек, Alfa Romeo 33 топилган. Бундан ташқари, италян автомобиллари орасидан Peugeot 405 нусхаси ҳам топилган. Уларнинг барчаси ювилиб, сотувга қўйилган.
Изоҳ (0)