Коронавирус инфекциясининг Чеченистон Республикаси ҳудудига кириб келиши ва тарқалишининг олдини олиш бўйича тезкор штаб 5 апрелдан бошлаб ҳудуднинг чегаралари бутунлай ёпилишини эълон қилди.
«Грозний» телекомпаниясининг хабар беришича, Рамзан Қодиров Чеченистон аҳолиси вакилларидан тезроқ ҳудудга қайтишни сўраган ва 5 апрелдан бошлаб республикага кириш ҳам, ундан чиқиш ҳам бутунлай ёпилишини эълон қилган.
Қодиров янги тартибда истисно ҳолатлар ҳам бўлиши мумкинлигини билдирган. Шундай ҳолатлардан бири сифатида оғир аҳволдаги беморни заруратга кўра бошқа ҳудудга ўтказиш мисол тариқасида баён этилган. Бундан ташқари чекловлар ишлаб чиқиш ва медикаментлар бўйича юк ташишга ҳам таъсир қилмайди.
28 мартда Чеченистон аҳолисига мамлакат бўйлаб кўчиш тақиқлаб қўйилганди. Одамларга доимий яшаш жойидан бошқа ерга бориш тақиқланган. Республика пойтахти Грозний шаҳрида яшамайдиган фуқароларга у ерга кириш ёпиб қўйилган. Транзит транспорти ҳам шаҳарни айланиб ўтиши лозим.
1 апрель, чоршанба куни, тонгда Чеченистонда коронавирус билан боғлиқ биринчи ўлим ҳолати кузатилди. «Роспотребнадзор»нинг Чеченистон бошқармаси раҳбари Рита Термулаева ташхиси Москвада тасдиқланган кекса аёлнинг вафот этганини тасдиқлаган. Хабарга кўра, марҳум аёл Чеченистонга поездда пласткарт вагонида келган.
Мавзуга доир:
Изоҳ (0)