Сурхондарё вилоятида содир бўлган ЙТҲда 2 киши ҳалок бўлди. Бу ҳақда ЙҲХББ матбуот хизмати хабар берди.
Воқеа 26 март куни соат 14:00 ларда, Сурхондарё вилояти, Термиз туманининг «Айритом» маҳалласи ҳудудидан ўтувчи 4Р-99 Мангузар—Хонрабод—Шартуз автомобиль йўлининг 14—15-километри оралиғида юз берган. 50 ёшли ҳайдовчи Х.Б. Lacetti’ни бошқараётиб, йўлнинг қарама-қарши йўналишига чиқиб кетган ва 24 ёшли ҳайдовчи М.Б. бошқарувидаги Matiz’га урилган.
Оқибатда Lacetti ҳайдовчиси Х.Б. оғир тан жароҳати олиб воқеа жойида вафот этган. Matiz’нинг 45 ёшли йўловчиси Ў.А. оғир тан жароҳати олиб, шифохонага етмасдан вафот этган.
Шунингдек, Matiz’нинг яна бир йўловчиси 47 ёшли Ф.А. ҳам тан жароҳати олиб касалхонага ётқизилган.
Аввалроқ Қаршида машина уриб кетган велосипедчи шифохонада вафот этгани, Сурхондарё ва Тошкентда содир бўлган ЙТҲ оқибатида бир пиёда ҳалок бўлгани хабар қилинган эди.
Изоҳ (0)