Россиянинг Москва шаҳридан Москва—Бухоро йўналиши орқали 25 март куни чартер рейсда 249 нафар фуқаро Бухорога олиб келинган. Бу ҳақда «Дарё»га Бухоро ҳокимлигида коронавирус инфекциясининг кириб келиши олдини олиш бўйича тузилган штаб масъуллари маълум қилмоқда.
Хабарга кўра 249 нафар Ўзбекистон фуқароси карантин тартиб-қоидалари асосида кутиб олинган. Хориждан қайтганларнинг 213 нафари эркак, 36 нафари аёл бўлиб, вояга етмаганлар 31 нафарни, 60 ёшдан ошганлар эса 7 нафарни ташкил этади.
Хориждан келганларнинг 10 нафарида кўнгил айниши ва ҳолсизлик кузатилгани боис улар зудлик билан юқумли касалликлар шифохонасига, қолган йўловчилар Бухоро шаҳридаги карантинга мослаштирилган ҳарбий қисмларнинг бирига жойлаштирилган.
Мавзуга доир:
Изоҳ (0)