Ижтимоий тармоқларда чиқиндилар орасидан тиббий ниқобларни йиғаётгани эркак видеоси тарқалиб, йиғиб олинган ниқоблар яна ишлатишга чиқариб юборилиши мумкинлиги гумон қилинганди.

ИИВ матбуот хизматининг хабар беришича, видеода акс этган эркакнинг шахси аниқланди. Маълум бўлишича, у Гулистон шаҳрида яшовчи руҳий хаста фуқаро бўлиб, руҳий касалликлар диспансери ҳисобида турган.

Мавзуга доир: Тиббиёт ходимлари ниқобларни тўғри ечиш усулини кўрсатиб берди (видео)

Соғлиқни сақлаш вазирининг 2020 йил 20 мартдаги 114-сон «Тиббий буюмлар рўйхатига ўзгартириш киритиш тўғрисида»ги буйруғига кўра, Ўзбекистонда коронавирусининг янги тури тарқалишини олдини олиш, республика ҳудудида қулай санитария-эпидемиологик муҳитни таъминлаш, аҳолининг саломатлигини муҳофаза қилиш учун шахсий ҳимоя воситалари билан таъминлаш ва тиббиёт ниқоби тақчиллигини олидини олиш ҳамда маҳаллий ишлаб чиқарувчиларга кенг имконият яратиш, шунингдек, тиббий ниқобни ишлаб чиқариш, тайёрлаш ҳамда уни реализация қилиш учун лицензия талаб қилинишини инобатга олган ҳолда тиббиёт ниқоблари тиббий буюмлар рўйхатидан чиқарилди.

Аввалроқ Тошкентда ҳеч қандай сифат сертификатига эга бўлмаган тиббий ниқоблар сотаётганлар аниқланганди.

Мавзуга доир: