Сирдарёда Cobalt ва «Камаз» юк машинаси иштирокидаги ЙТҲда бир киши ҳалок бўлди. ЙҲХББ хабарига кўра, воқеа 24 март куни соат 02:30 да Сирдарё вилояти, Оқолтин тумани ҳудудидан ўтувчи А-373 автомобиль йўлининг 6-километрида содир бўлган.
Ҳайдовчи Ф.М. Cobalt автомашинасини Тошкент—Термиз йўналишида бошқариб кетаётиб, ўзи билан бир йўналишда олдинда ҳаракатланиб кетаётган Ш.Қ. бошқарувидаги «Камаз» юк машинасининг орқа қисмига урилган.
Оқибатда Cobalt йўловчиси А.А. кўрсатилган тиббий ёрдамга қарамасдан, олган тан жароҳатлари сабабли шифохонада вафот этган. Ҳолат юзасидан Оқолтин тумани ИИБ тергов гуруҳи томонидан суриштирув ҳаракатлари олиб борилмоқда.
Аввалроқ Тошкентда 15 ёшли ҳайдовчи «Камаз»да автобусни уриб кетгани ҳақида хабар берилган эди.
Изоҳ (0)