Коронавирусни юқтириб олган таниқли актриса Ольга Куриленко тўлиқ соғайганини маълум қилди. Актриса Instagram’даги саҳифасида ўзини яхши ҳис этаётганини ёзиб қолдирди.
«Ўйлашимча, мен бутунлай соғайдим. Касаллик қандай кечгани ҳақида қисқача: Биринчи ҳафтада ўзимни жуда ёмон ҳис этдим. Иссиғим баланд эди, куни билан ётардим, кўп ухлардим. Мен кечаси 12 соат ухлашимга қарамай, кундузи яна 3-4 соат ухлардим. Жойимдан туришим қийин эди. Иккинчи ҳафта иссиғим тушиб, енгил йўтал пайдо бўлди. Чарчоқ, ҳолсизлик қолди. Ҳозир ҳеч қандай симптомлар йўқ. Фақат эрталаб бироз йўталаман, кун бўйи бошқа йўтал безовта қилмайди. Энди мен ўғлим билан бемалол дам олишим мумкин. Ўзингизни эҳтиёт қилинг!», — деб ёзади Ольга Куриленко.
https://www.instagram.com/p/B-DPRf1ha-q/
Аввалроқ Ольга Куриленко даволаниш жараёни қандай кечаётганини сўзлаб берганди. Актриса докторлар унга ҳеч қандай дорилар ёзиб бермагани, агар иссиғи кўтарилса ва қаттиқ оғриқ бўлса, парацетамол ичишни тайинлаганини, шунингдек, иммунитетини кучайтириш учун витаминлар ичаётганини маълум қилганди.
Эслатиб ўтамиз, актёр Том Хенкс ва унинг рафиқаси, «Тахтлар ўйини» юлдузлари Индира Варма ва Кристофер Хивью, британиялик актёр Идрис Эльба ҳам коронавирусни юқтириб олгани хабар берилганди.
Изоҳ (0)