«Кинопоиск» жорий йилда экран юзини кўриши кутилаётган фильмларнинг энг яхши трейлерларини тўплаб тақдим этди.
«Эҳтиёт бўлинг, хавфли хотин!»
«Мистер ва миссис Смит» услубида олинган японча фильм. Эр ва хотин иккаласи бир-бирларининг махфий агент эканликларини билиб қолишгач, ўзларини қонунга бўйсунадиган оддий фуқаро, уй бекаси ва офис ходими қилиб кўрсата бошлайди. Айни шу вақтда Япония ёвуз хавфга дуч келади — Россия махсус хизматлари. Шу орқали эр-хотиннинг бир-бирига яна ишона бошлаши учун сабаб топилади.
«Биз қоронғуликни чақирамиз»Қўрқинчли фильмларда камдан кам ҳолларда рол ижро этувчи Александра Даддариодан мухлислари учун ажойиб туҳфа. Концертда хушбичим йигитлар билан танишиб қолган уч дугона улар билан маишатга отланади. Воқеалар ривожи шундан бошланади.
«Харли Квинн», иккинчи мавсум
Харли Квинн Готэмдаги ёвузлар ва қаҳрамонларга қарши курашиш учун экранларга қайтади. Унинг ёнига таниш қаҳрамонлар билан бирга, рақибларидан бўлган Бетгёрл, «Мушук аёл» ва Мистер Фриз келиб қўшилган. Мультсериалнинг иккинчи мавсуми қизиқарли бўлиши ваъда қилинмоқда.
«Хокусай»
Дунёга машҳур япониялик рассомнинг ҳаётига бағишланган фильм. Фильм қаҳрамон ҳаётининг икки даври ҳақида сўзлайди — синовларга учраган ёшлиги ҳамда ўз санъатини мукаммалликка олиб чиққан қарилик даври. Ҳозирги вақтда унинг «Канагавадаги катта тўлқин» асари Ғарбдаги Осиё тасвирий санъатининг энг машҳур намуналаридан ҳисобланади.
«Сояда нималар билан бандмиз?», иккинчи мавсум
Статен-Айленддаги бюродан бўлган қонхўрлар инсон маданиятини ўрганиши давом этиб, бор кучлари билан оддий одамдек кўринишга интилади. Америка футболи ва мусиқаси ҳақида гап кетганда улар ўзларини тутиб тура олмайди. Кутилмаганда муаммолари кўпайган Гильермо эса қўлидан келганича уларга ёрдам беришга ҳаракат қилади.
Изоҳ (0)