Изоляция вақтида зерикмаслик учун бирор қизиқарли машғулот билан шуғулланиш керак. Масалан, қизиқарли сериални томоша қилиш мумкин. «Фильмпро» ҳар қандай томошабинлар дидига мос келувчи бешта сериални тўплаб тақдим этди.
«Локклар калити»
Netflix сервисининг янги сериали америкалик ёзувчи Жо Хилнинг комикслар сериясига асосланган. Ёш чегараси чекланган ушбу сериал бошқотирма-триллер жанрида суратга олинган. Бош қаҳрамонлар сирли «Калитлар уйи» ҳақидаги жумбоқни ечишлари лозим. Сюжет Локклар оиласи атрофида шаклланади. Уч нафар фарзандидан айрилган аёл «қарғишга учраган» дея таърифланувчи жойга кўчиб ўтади. Воқеаларнинг асосий қисми айнан шу ердан бошланади.
«Бегона»
Оклахома штатининг унчалик катта бўлмаган Флинт-Сити шаҳрида мактаб ўқувчисини ваҳшийларча ўлдириб кетишади. Полиция воқеа жойидан эркак кишининг — фожиа содир бўлган вақтида бошқа жойда бўлган камсуқум футбол мураббийининг бармоқ изларини топади. Ишни олиб бораётган детектив гумонланувчини ҳибсга олишни буюради, бироқ у ўша вақтда ўзининг бошқа жойда бўлганини исботловчи далилларни келтиради. Сериал Стивен Кингнинг романига асосланган.
«Овчилар»
«Овчилар» — «Нари тур» ва «Биз» каби қўрқинчли фильмларни суратга олган Жордан Пилнинг продюсерлик лойиҳаси ҳислобланади. Воқеалар 1970 йилларнинг охирида Нью-Йоркда содир бўлади. Нацистларни қидирувчи бир гуруҳ овчилар Учинчи рейхнинг қулашидан мўъжизавий тарзда омон қолган юзлаб юқори мартабали нацистлар Америкада яшаётгани ва улар тўртинчи рейхни амалга оширишни режалаштираётганидан хабар топади. Шунда онгли америкаликлар уларни овлашга чиқади, мақсад — фашистларни жавобгарликка тортиб, ёвузликларининг олдини олиш. Томошабин бош роллардан бирини ижро этган Ал Пачинонинг маҳоратига беихтиёр яна бир бор тан беради.
«Янги папа»
Режиссёр Паоло Соррентино томонидан 2016 йилда тақдим этилган «Ёш папа»нинг узоқ кутилган давоми. Муаллифлар «Янги папа» сериалини мутлақо алоҳида мавзу сифатида суратга олган. Лойиҳанинг ўзига хослиги сериал Ватиканда суратга олинган. Соррентинонинг сериални тасвирга олишига амалдаги Рим папасининг шахсан ўзи рухсат берган. Сериал ўзининг ёрқин сюжети билан бирга, томошабинга таниқли актёрлар томонидан ижро этилган роллар билан ҳам хуш ёқади. Янги папа ролини Жон Малкович ижро этган бўлиб, кадрда, албатта, Жуд Лоуга дуч келиш мумкин.
«Дракула»
Бенедикт Кембербетч ижросидаги «Шерлок» сериалининг муаллифлари кўп маротаба экранлаштирилган граф Дракуланинг ҳаёт тарзини очиб беришга уринган. Миш-мишларга кўра, ҳикоянинг асосий қисмидан айнан Дракула ўрин олган — у сериянинг бош қаҳрамонига айланган, бошқа фильмларда эса бу персонаж асосий қаҳрамонларга қарши, яъни иккинчи даражали рол сифатида қаралган. Сериал формати худди «Шерлок»даги каби: биринчи мавсумда учта 1,5 соатлик эпизодларни томоша қилиш мумкин.
Изоҳ (0)