Коронавирус пандемияси сабаб юзага келган инқироз Қатарда бўлиб ўтадиган футбол бўйича Жаҳон Чемпионати тайёргарлигига таъсир ўтказмади, иншоотлардаги қурилиш ишлари давом этмоқда, дея маълум қилди чемпионат ижроқўми матбуот хизмати.
«Қатарда ўтадиган футбол бўйича Жаҳон Чемпионатининг барча лойиҳалари режа бўйича амалга оширилмоқда. Коронавирус тарқалиши сабаб ишлар маълум муддатга тўхтаб қолса ҳам, биз барча иншоотларни 2022 йилнинг 21 ноябрига қадар битира олишга ишонамиз», — дейилади ижроқўм баёнотида.
Таъкидланишича, ЖЧ—2022 лойиҳаларида фаолият юритаётган ишчиларнинг соғлиғини сақлаш учун барча чора-тадбирлар амалга оширилган.
Мавзуга доир: Коронавирус сабаб Ўзбекистон терма жамоасининг ЖЧ—2022 саралашидан ўрин олган ўйинлари қолдирилди
Қатар араб мамлакатлари ичида коронавирус юқтириб олганлар сони бўйича етакчилик қилмоқда. Айни пайтга келиб мамлакатда вирусга чалинганлар сони 450 нафарга яқинлашиб қолди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)