Бразилия Сенати раиси Дави Алколумбре коронавирусга чалинди. «РБК»нинг ёзишича, бу ҳақда мамлакат Парламентининг юқори палатаси матбуот хизмати хабар берди.

Фото: Getty Images

Сенатдан маълум қилишларича, Алколумбре уйда бўлиб турибди, касаллик оғир асоратларсиз кечмоқда.

Дави Алколумбре коронавирус юқтириб олган иккинчи сенатор бўлди. Аввалроқ Халқаро алоқалар ва миллий мудофаа қўмитаси раиси Нельсиньо Трада ҳам коронавирусга чалинганди. У Бразилия президенти Жаир Болсонару билан АҚШга ташрифи давомида касалланган.

Дастлаб Бразилия президентининг коронавирус бўйича топширган таҳлил натижалари ижобий чиққани айтилган бўлса, иккинчи марта топширган тести салбий натижани кўрсатган. Унда касаллик аниқланмаган.

АҚШ президенти Дональд Трамп ҳам коронавирусга тест топширган. Унда ҳам касаллик аниқланмаган.

Коронавирус жаҳон сиёсатчилари оиласини ҳам четлаб ўтмаяпти. Хусусан, Испания ва Канада бош вазирларининг рафиқаларида ҳам коронавирус аниқланган.

Шунингдек, америкалик актёр Том Хенксда ҳам коронавирус аниқланган.