Коронавирусга қарши курашишга бағишланган брифингда АҚШ президенти Дональд Трамп, ниқоблар, респираторлар ва бошқа зарур жиҳозларни ишлаб чиқаришни кўпайтиришга хизмат қиладиган мудофаа саноати тўғрисидаги қонунни имзолашини маълум қилди, деб хабар беради «РБК».
«Биз кўзга кўринмас душманни енгиш учун ҳаракат қилмоқдамиз», — дейди Трамп. Унинг таъкидлашича, вужудга келган инқироз уни «уруш даври президенти»га айлантириб қўйган.
Мудофаа саноати тўғрисидаги қонун (Defense Production Act) 1950 йилнинг сентябрида, Корея уруши фонида қабул қилинган. У президентга бизнеслардан совуқ уруш шароитида миллий мудофаа эҳтиёжлари учун зарур бўлган шартномалар тузиш ёки буюртмалар бажаришни талаб қилиш ҳуқуқини беради.
Бундан ташқари, президент Нью-Йоркдаги жабрланувчиларга ёрдам кўрсатиш мақсадида госпитал кемасини юбориш бўйича топшириқ берди, яна бир шу турдаги кема ғарбий қирғоқлардаги фуқароларга ёрдам кўратади.
Сўнгги маълумотларга кўра, АҚШда коронавирус билан касалланганлар сони 7752 кишига, вафот этганлар сони 122 кишига етган.
Мавзуга доир:
Изоҳ (0)