Коронавирус пандемияси Иккинчи жаҳон урушидан бери энг кучли инқироз деб топилди

Европа парламенти раиси Давид Сассоли Европада коронавирус тарқалиши оқибатида юзага келган инқирозни баҳолади, деб ёзади «Интерфакс».

«Европа Иккинчи жаҳон уруши тугаганидан бери бундай драматик инқирозни билмаган», — деди Сассоли. У Европа Иттифоқи ниҳоят коронавирусга қарши курашиш ва пандемиянинг иқтисодий оқибатларига қарши курашиш учун бир қатор чоралар кўрганини таъкидлади. Унинг фикрига кўра, ҳеч бир Европа мамлакати ҳукумати буни ўз-ўзидан ҳал қила олмаган бўларди.

Хусусан, таклиф этилган чора-тадбирлар иш жойларини, корхоналарни ва умуман иқтисодиётни сақлаб қолиш зарурлигини кўрсатмоқда. Бундан ташқари, улар Европа Иттифоқи бюджетидан 37 миллиард евро ликвидлигини таклиф қилади. Энди улар Европа Иттифоқи Кенгаши ва Европа парламенти томонидан тасдиқланиши керак.

Аввалроқ ЖССТ коронавирус қурбонларининг сони фожиавий ҳисобланувчи кўрсаткичдан ўтиб кетганини маълум қилган эди. Дунё бўйлаб коронавирус билан касалланганлар сони 145 мингга етди. 5400 дан ортиқ одам вафот этди. Хитойда коронавирус пандемиясининг чўққиси ортда қолди. Мамлакатдаги иқтисодий фаоллик қайта тикланмоқда.

Аввалроқ Ўзбекистонда 15 март, якшанба куни, соат 6:00 да коронавирусга чалиниш билан боғлиқ илк ҳолат қайд этилгани, бемор ўзбекистонлик аёл экани ҳақида хабар берилган эди. Сўнгги маълумотларга кўра, унинг оила аъзолари ҳам тиббий кузатувга олинган. Коронавирус аниқланган ўзбекистонлик аёл билан бирга 48 йўловчи Париждан учиб келган. Ушбу рейс йўловчиларининг барчаси изоляцияга олинади. Улар орасида 24 нафар транзит йўловчи, жумладан, тўрт нафар франциялик, бир нафардан Италия ва Бразилия фуқаролари бўлган.