SpaceX аэрокосмик компанияси асосчиси ва Tesla раҳбари Илон Маск SpaceX ходимларига COVID-19 коронавируси уларга зарар етказишига шубҳа билдирган мактуб ёзди, деб хабар берди «РБК».
Маскнинг фикрича, компания ходимлари пандемиядан азият чекишдан кўра, автоҳалокатда ҳалок бўлиш эҳтимоли кучлироқ.
Маск ўз мурожаатида коронавирус ҳақидаги у кўрган маълумотлар касалликнинг АҚШ фуқаролари саломатлигига хавф соладиган нарсалар рўйхатининг ҳатто дастлабки ўнталигига ҳам кирмаслиги ҳақида фикр уйғотади.
«Коронавирусдан ўлиш хавфи уйга кетаётиб автоҳалокатда ҳалок бўлиш имкониятидан анча паст», — дейди Маск. Унинг сўзларига кўра, пандемиядан ўлим ҳолатларининг 36 тасига АҚШда автоҳалокатларда ҳалок бўлган 26 мингга яқин киши тўғри келади.
Шунга қарамай, Маск компания ходимларидан агар ўзларини ёмон ҳис этаётган бўлса, уйда қолишларини сўради.
Жон Хопкинс университети тиббий хавфсизлик марказининг катта илмий ходими Амеш Адалжа Маск томонидан берилган таққослашни нотўғри деб атади. Калифорния университети эпидемиология кафедраси доценти Брэндон Браун ҳам худди шундай фикрни билдирди. У Маскнинг мантиғини «аҳмоқона» деб атади.
Илон Маск аввал ҳам коронавирус атрофидаги ваҳимани аҳмоқлик деб атаган эди.
Эслатиб ўтамиз, АҚШда янги турдаги COVID-19 коронавирусининг тарқалиши сабаб Европа мамлакатларидан келувчилар учун 30 кунга вақтинчалик тақиқ ўрнатилди. Бироздан сўнг Дональд Трамп мамлакатда COVID-19 коронавирус инфекцияси тарқалиши оқибатида фавқулодда ҳолат режими эълон қилинганини билдирди.
Изоҳ (0)