Butun dunyo bo‘ylab koronavirus bilan kasallanganlar soni 145 ming kishiga yetdi. Ulardan 71 mingdan ortig‘i davolanishga muvaffaq bo‘ldi, 5429 nafari vafot etdi. Bu haqda dunyo bo‘ylab koronavirus haqidagi ma’lumotlarni yig‘ayotgan Jon Hopkins universiteti xabar berdi.
Xitoyda so‘nggi bir sutka ichida 11 kishi yangi turdagi COVID-19 koronavirusini yuqtirib oldi. Ularning 4 nafari Xitoyda kasallangan, qolganlari Italiya, AQSh va Saudiya Arabistonidan kelgan sayyohlardir. Qayd etilishicha, boshqa mamlakatlardan virus yuqtirish holatlari Xitoyning o‘zida kasallanganlar sonidan birinchi marta oshib ketdi. Umumiy hisobda mamlakatda 80 824 kishi kasallangan, 3 189 kishi vafot etgan.
Italiyada so‘nggi sutkada koronavirusdan 250 kishi vafot etgan. Mamlakat Yevropada COVID-19 koronavirusiga chalingan fuqarolar soni bo‘yicha yetakchilik qilmoqda. Mavzuga doir:
