Испания бош вазири Педро Санчеснинг рафиқаси — Бегонья Гомес COVID-19 коронавируси билан касалланди. Бу ҳақда Испания бош вазири идорасининг расмий баёнотига асосланиб, «РБК» хабар бермоқда.
«Сўнгги соатларда Монклоа саройида бош вазирга яқин кишилар ўртасида ўтказилган таҳлиллар унинг рафиқаси Бегонья Гомес билан боғлиқ ҳолатда ижобий натижа кўрсатди», — дейилади хабарда.
Қайд этишларича, Испания бош вазири ва унинг 45 ёшли аёли ўзини яхши ҳис қилмоқда. Уларнинг ҳар иккиси Монклоа саройида ва соғлиқни сақлаш органлари томонидан белгиланган профилактика чораларига тўлиқ риоя этмоқда.
Мавзуга доир: Канада бош вазирининг рафиқасида коронавирус аниқланди
Ушбу чекловлар кекса одамлар, болалар, ногиронлиги бор инсонларга ғамхўрлик қилаётганлар ёки банк ва суғурта компанияларига бораётганларга тааллуқли эмас. Бундан ташқари, ҳукумат фавқулодда (форс-мажор) ҳолатлар ҳам инобатга олинишини билдирган.
Испанияда коронавирус инфекциясининг тарқалиши муносабати билан озиқ-овқат дўконлари ва дорихоналардан бошқа барча дўконлар ёпилмоқда, бар, меҳмонхона ва ўқув муассасаларининг фаолияти вақтинча тўхтатилмоқда.
Испанияда коронавирус юқтириб олиш билан дастлабки ҳолат 1 февраль куни аниқланган эди. 15 март ҳолатига кўра, мамлакатда коронавирусга чалиниш билан боғлиқ салкам 6,4 мингта ҳолат аниқланган, 196 киши вафот этган, 517 киши соғайган.
Мавзуга доир:
- Ўзбекистонликларга Франция, Испания ва Британияга бормаслик тавсия қилинди
- «Реал» клуби карантинга олинди. Ла Лига ўйинлари икки ҳафтага тўхтатилди
- Ўзбекистонда коронавирус тарқалган 14 давлатдан келган фуқароларни карантинга олиш ҳақида қарор қабул қилинди. Карантинни бузганлар жавобгарликка тортилади
Изоҳ (0)