Исроил антитеррор технологиялари ёрдамида коронавирус тарқалишига қарши курашиш ниятини билдирди. Бу ҳақда мамлакат бош вазири Биньямин Нетаньяхунинг сўзларига асосланиб «РБК» хабар берди.
«Биз бундай имкониятга эга кам сонли давлатлардан биримиз ва биз буни ишга соламиз. Ҳукумат ва фуқаролар касалликни юқтирмаслик учун қўлимиздан келган барча ишни қилишимиз керак», — дейди Исроил бош вазири.
Шунингдек, у шахсий гигиенага риоя қилиш муҳимлигини ҳам эслатиб ўтди.
Вирус тарқалиши ортидан Исроил ҳукумати озиқ-овқат дўконларидан ташқари барча қолган дўконлар, кафелар, ресторанлар, спорт клубларини ёпиш тўғрисида қарор қабул қилди.
Дорихоналар эса одатдаги тартибда ишлайверади.
Маълумот учун, Исроил ҳукумати 12 мартдан эътиборан мамлакатга хориждан келувчи барча фуқаролар 14 кун давомида карантинда сақланишини маълум қилди.
Мавзуга доир: Исроил ҳукумати мамлакатга кирувчи барчани карантинга жойлаштириш бўйича қарор қабул қилди
15 март, якшанба куни, Ўзбекистонда коронавирус билан касалланиш ҳолати қайд этилди. Бемор Франциядан келган.
Изоҳ (0)