Футбол бўйича Ўзбекистон Суперлигасининг 3-туридан ўрин олган иккита ўйин 14 март, шанба куни бўлиб ўтди.
«Қўқон-1912» жамоаси ўз майдонида «Сўғдиёна»ни қабул қилди. Учрашувнинг 17-дақиқасида Сардор Азимов қўқонликларни олдинга олиб чиқди. Танаффус арафасида Филип Райевац майдон эгаларининг иккинчи голини урди.
58-дақиқада меҳмонлар пенальтидан ҳисобни қисқартиришга муваффақ бўлди. Бироқ 72-дақиқада «Сўғдиёна» футболчилари бир киши кам бўлиб қолди: Шавкат Муллажонов рақибга нисбатан ўта қўпол ҳаракати учун четлатилди. Қолган вақтда ҳисоб ўзгармади ва Бахтиёр Ашурматов шогирдлари мавсумдаги иккинчи ғалабани қўлга киритди. Жиззах клуби эса ғалабасиз сериясини давом эттирди.
Параллел кечган баҳсда «Машъал» Муборакда «Қизилқум»ни қабул қилди. Учрашувда ҳар икки жамоа вакиллари бир мартадан рақиб дарвозасини ишғол қилди: Суннатилла Абдуллажонов (13) ва Мўмин Мелиев (23).
Шу тариқа «Машъал» очколарини 4 тага етказиб олган бўлса, Навоий клуби (1) мавсумдаги илк очкосига эга чиқди.
Суперлига
3-тур баҳслари
14 март, шанба
«Қўқон-1912»—«Сўғдиёна» 2:1
Голлар: 1:0 — 17 Азимов, 2:0 — 45+3 Райевац, 2:1 — 58, пенальти Норхонов.«Қўқон-1912»: Ботирали Эргашев, Бобир Акбаров, Шохназар Норбеков (Иқбол Маликжонов, 68), Суҳроб Бердиев, Қувондиқ Рўзиев, Сардор Азимов (Ҳамидулло Абдуҳамидов, 88), Ойбек Рустамов, Александр Мерзляков, Иван Ёсович, Филип Райевац (Якуба Бамба, 75), Мурод Холмуҳаммедов.
«Сўғдиёна»: Милан Митрович, Искандар Шойқулов, Элёр Орифов, Санжар Рашидов (Сардор Қулматов, 46), Жамшид Болтабоев (Жавоҳир Қаҳрамонов, 46), Шоҳруз Норхонов, Жасур Ҳасанов (Саҳоб Рашидов, 68), Санъат Шихов, Иван Нагаев, Шавкат Муллажонов, Марко Колакович.
Огоҳлантиришлар: Болтабоев (13), Рашидов (32), Колакович (55), Шойқулов (65), Митрович (90).
Четлатиш: Муллажонов (72).
«Машъал»—«Қизилқум» 1:1
Голлар: 0:1 — 13 Абдуллажонов, 1:1 — 23 Мелиев.«Машъал»: Раҳимжон Давронов, Нажмиддин Нормуродов, Сирожиддин Раҳматуллаев, Никита Павленко (Жаҳонгир Абдусаломов, 83), Шерзод Темиров, Мўмин Мелиев, Элла Кен Арман (Дидар Дурдиев, 73), Жамолиддин Убайдуллоев, Аббос Шодмонов, Сирожиддин Қўзиев (Элдор Бойматов, 86), Самандар Шукуриллаев.
«Қизилқум»: Артём Макосин, Илҳом Алижонов, Абди Башимов, Везиргелди Илясов, Руслан Маргиев (Миржалол Қосимов, 82), Алишер Саноев, Салим Мустафоев, Шерали Жўраев, Азизбек Усмонов, Олег Толмасов, Суннатилла Абдуллажонов (Қадамбой Нурметов, 72).
Огоҳлантиришлар: Мустафоев (39), Мелиев (63).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)