Ўзбекистон Президентининг 2020 йил 10 мартдаги қарори билан Азиз Воитов инвестициялар ва ташқи савдо вазирининг биринчи ўринбосари лавозимига тайинланди. Бу ҳақда Ўзбекистон «Саноат қурилиш» банки АТБ ахборот хизмати хабар берди.
Азиз Воитов шу кунга қадар Ўзбекистон «Саноат қурилиш» банки АТБ бошқаруви раиси лавозимида ишлаб келаётган эди. Банк бошқаруви айни пайтда Миллий банк бошқарув раиси биринчи ўринбосари лавозимида ишлаган Сахи Аннакличев тайинланган.
Азиз Воитов (1980 йилда туғилган) Тошкент молия институтини «Солиқ ва солиққа тортиш» мутахассислиги бўйича битирган (2001) ҳамда Олий ишбилармонлик мактабида «Бизнес бошқаруви» бўйича таҳсил олган (2010).
Азиз Воитов янги иш жойида Алишер Абдуалиев билан алмаштирилган. Инвестициялар ва ташқи савдо вазирининг биринчи ўринбосари лавозимида ишлаган Абдуалиев 2019 йил майдан вазирликда иш бошлаган эди. Унинг кейинги иш жойи ҳозирча маълум эмас.
Вазирлик раҳбари Сардор Умурзоқов эса депутатлар томонидан бош вазир ўринбосари лавозимига маъқулланганди.
Изоҳ (0)