10 март куни Тожикистонга ташриф буюрган Ўзбекистон Мудофаа вазирлиги ҳарбий хизматчилари маҳаллий аҳоли ва икки мамлакат чегараларида жойлашган жамоат вакиллари томонидан нон ва туз, қўшиқ ва рақслар билан кутиб олинди. Бу ҳақда Мудофаа вазирлиги ахборот ва оммавий коммуникациялар департаменти хабар берди.
Тожикистонга келган ўзбек офицер ва аскарлари тожикистонлик ҳамкасблари билан «Фахробод» полигонида 11—14 март кунлари бўлиб ўтадиган антитеррористик ўқув машғулотларида иштирок этади.
Asia-Plus нашрининг ёзишича, Тожикистон мудофаа вазири генерал-полковник Шерали Мирзо раҳбарлиги ўтказилаётган машғулотлар давомида икки мамлакат ҳарбийлари Тожикистон ва Ўзбекистон чегараларини кесиб ўтишда вазиятни беқарорлаштириш учун чиққан шартли террорчиларни қуршовга олиш ва йўқ қилиш бўйича қўшма ҳаракатларни ишлаб чиқади.
Изоҳ (0)