Футбол бўйича Европа Чемпионлар Лигаси 1/8 финал жавоб баҳси доирасида 10 март, сешанба куни иккита ўйин бўлиб ўтди.
Жозе Моуриньо қўл остидаги «Тоттенҳэм» сафарда «Лейпциг»га қарши саф тортди. Мазкур баҳсда «буқалар» Марсель Забитцернинг дубли ва Эмиль Форсбергнинг голи эвазига ғалабани қўлга киритди. Дастлабки ўйинни ҳам ўз фойдасига ҳал қилган (1:0) Юлиан Нагелсманн шогирдлари мусобақа чорак финалига йўл олди.
Яна бир баҳс «Валенсия» ва «Аталанта» ўртасида кечиб, меҳмонларнинг ғалабаси билан якун топди. Бергамоликларнинг тўртта голига ҳам словениялик футболчи Йосип Иличич муаллиф бўлди. «Валенсия» сафида эса Кевин Гамейро дублга эришди, яна бир голни Ферран Торрес ўз ҳисобига ёздириб қўйди. Шу тариқа «Аталанта» иккинсҳи баҳсда ҳам рақибини таслим этган ҳолда кейинги босқчга йўл олди.
ЕЧЛ
1/8 финал, жавоб баҳси
10 март, сешанба
«Валенсия» Испания — «Аталанта» Италия 3:4
Голлар: 0:1 – 3, пенальти Иличич, 1:1 – 21 Гамейро, 1:2 – 43, пенальти Иличич, 2:2 – 51 Гамейро, 3:2 – 67 Ферран Торрес, 3:3 – 71 Иличич, 3:4 – 82 Иличич.«Валенсия»: Силлессен, Васс, Диакаби (Гедеш, 46), Гайя, Кондогбиа, Коклен (Черишев, 74), Солер, Парехо, Ферран Торрес, Родриго (Флоренци, 79), Гамейро.
«Аталанта»: Спортьелло, Ҳатебур, Паломино, Калдара, Госенс, Гомес (Малиновский, 78), де Рон (Сапата, 45), Иличич, Фройлер, Пашалич (Тамез, 83), Гимшити.
Огоҳлантиришлар: Коклен (33), Диакаби (42), Кондогбиа (58), Васс (64), Фройлер (85).
Биринчи ўйин – 1:4.
«Лейпциг» Германия — «Тоттенҳэм» Англия 3:0
Голлар: 1:0 – 10 Забитцер, 2:0 – 21 Забитцер, 3:0 – 87 Форсберг.«Лейпциг»: Гулачи, Мукиеле (Адамс, 56), Ҳалстенберг, Клостерманн, Анхелинё, Лаймер, Забитцер (Форсберг, 87), Нкунку (Айдара, 59), Упамекано, Шик, Вернер.
«Тоттенҳэм»: Льорис, Орье (Феган-Уолкотт, 90), Алдервейрелд, Танганга, Алли, Уинкс, Лукас Моура, Сессеньон, Ламела, Ло Чельсо (Жедсон Фернандеш, 80), Дайер.
Огоҳлантиришлар: Сессеньон (34), Уинкс (45), Лаймер (50), Танганга (68), Алли (70), Забитцер (71).
Биринчи ўйин – 1:0.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)