Коронавирус сабаб Испания ва Франция чемпионатларининг навбатдаги тур ўйинлари томошабинларсиз ўтади.
Франция чемпионати баҳслари 15 апрелга қадар бўш стадионларда ўтади. Лига 1 ижроқўми шу қарорга келган.
Ла Лига қарорига кўра, Примера ва Сегунданинг кейинги икки тури томошабинларсиз ўтади. Эпидемиянинг тарқалишига қараб ушбу муддат кўпайиши ҳам мумкин. Лига айни дамда мусобақанинг жорий мавсумини тўхталишларсиз ўтказиб олиш ҳақида бош қотирмоқда.
Маълумот учун, Францияда коронавирусга чалинганлар сони 1400 кишига етди, қурбонлар 30 нафарни ташкил этди. Испанияда эса коронавирус юқтириб олганлар сони 1200 кишидан ошган.
Шунингдек, Европа Чемпионлар Лигаси 1/8 финал жавоб баҳсидан ўрин олган «Барселона»—«Наполи» ва «Валенсия»—«Аталанта» учрашувлари ҳам томошабинлар иштирокисиз кечади.
Эслатиб ўтамиз, аввалроқ Италия чемпионатининг навбатдаги тур ўйинлар коронавирус сабаб тўхтатиб қўйилганди.
Мавзуга доир:
- Коронавирус сабаб Италияда А Серия ва барча спорт мусобақалари тўхтатилди
- Коронавирус сабаб дзюдо бўйича барча халқаро мусобақалар май ойигача бекор қилинди
- Коронавирус сабаб Ўзбекистонда халқаро тадбирлар ва спорт мусобақалари вақтинча тўхтатилди
- Қирғизистонда коронавирус сабаб барча спорт мусобақалари бекор қилинди
- Коронавирус сабаб Саудия Арабистонидаги спорт тадбирлари томошабинларсиз ўтади
- Халқаро хоккей федерацияси коронавирус сабаб 5 та мусобақани бекор қилди
Изоҳ (0)