Халқаро дзюдо федерацияси (IJF) коронавирус сабаб март ва апрель ойларида ўтказиладиган барча лицензион мусобақаларни бекор қилиш бўйича қарор қабул қилди.
Аввалроқ COVID-19 вируси сабаб 13—15 март кунларига мўлжалланган дзюдо бўйича Екатеринбург «Катта Дубулға» мусобақаси ҳам ўтказилмаслиги маълум бўлганди. Энди эса IJF ижроқўми бир йўла икки ой давомида ўтказиладиган барча мусобақаларни бекор қилди.
Ҳозирча ушбу қарор 30 апрель кунигача ўз кучида қолади. Бу санага қадар Екатеринбург мусобақадан ташқари Тбилиси ва Анталияда ўтказиладиган Гран-при туркумидаги икки мусобақа, шунингдек, қитъа чемпионатлари бор эди. Осиё чемпионати айнан апрель ойида Мўғулистонда ўтказилиши керак эди, бу мусобақа ҳам бекор бўлди.
Мавзуга доир:
- Коронавирус сабаб Италияда А Серия ва барча спорт мусобақалари тўхтатилди
- Коронавирус сабаб Ўзбекистонда халқаро тадбирлар ва спорт мусобақалари вақтинча тўхтатилди
- Қирғизистонда коронавирус сабаб барча спорт мусобақалари бекор қилинди
- Коронавирус сабаб Саудия Арабистонидаги спорт тадбирлари томошабинларсиз ўтади
- Халқаро хоккей федерацияси коронавирус сабаб 5 та мусобақани бекор қилди
Изоҳ (0)