Футбол бўйича Ўзбекистон Лига Кубоги—2020 мусобақасида Қирғизистон ва Тожикистон клублари ҳам иштирок этади.
Профессионал футбол лигаси бош директори ўринбосари Диёр Имомхўжаевнинг маълум қилишича, ҳар икки мамлакат футбол федерацияси бу борада ЎФАга расмий хат йўллаган.
Унга кўра Қирғизистон ва Тожикистондан тўрттадан жамоа Лига Кубогида иштирок этади:
Қирғизистон
«Дордой» (Бишкек)
«Алай» (Ўш)
«Абдиш-ота» (Кант)
«Каганат» (Ўш)
Тожикистон
«Хўжанд» (Хўжанд)
«Регар ТадАЗ» (Турсунзода)
«Куктош» (Рудаки)
«Истаравшан» (Истаравшан)
«Хўжанд» — Тожикистон Олий лигасининг вице-чемпиони, «Регар» чемпионатни кучли учликда якунлаган. «Куктош» ва «Истаравшан» 5-6-ўринларни банд қилган.
Аввалроқ Лига Кубогида Тожикистон ва Қирғизистон клублари иштирок этиши мумкинлиги, кейинчалик эса Туркманистон, Қозоғистон ҳамда Афғонистон жамоаларини жалб қилиш истаги борлиги хабар қилинганди.
Маълумот учун, Ўзбекистон Лига Кубоги 2019 йилда ташкил этилди. Дастлабки мусобақада Ўзбекистон Суперлигасининг 14 жамоаси ва Про Лиганинг иккита клуби иштирок этди. Мусобақанинг илк ва амалдаги чемпиони «Пахтакор» клуби ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)