Коронавируснинг кенг тарқалаши сабаб Италияда барча спорт мусобақалари, шу жумладан футбол бўйича А Серия баҳслари ҳам тўхтатиб қўйилди. Бу ҳақда Италия бош вазири Жузеппе Конте маълум қилди.
«Энди вақт йўқ. Рақамлар касаллик юқтириб олганлар сони ошиб кетганини кўрсатиб турибди, ўлимлар сони кўпайди. Биз бутун Италия учун бирор нимани қурбонлик қилишга мажбурмиз. Мана нима учун бундай оғир чоралар кўрмоқдамиз.
А Серия ва барча спорт мусобақалари вақтинча тўхтатилади. Мухлисларни буни қабул қилиши керак», — дейди бош вазир.
Ушбу қарор Италия жамоларининг халқаро мусобақалардаги иштироки, хусусан, Еврокубок ўйинларига қандай таъсир қилиши номаълум.
Ҳозиргача Италияда 7985 та вирус юқтириб олиш ҳолати кузатилди. 463 киши вафот этган. Италия коронавирусдан ўлим ҳолатларининг фоиз кўрсаткичи бўйича жаҳонда биринчи ўриндаги мамлакатга айланди. Шунингдек, мамлакатнинг Пемонт вилояти ҳокими коронавирус юқтириб олгани ҳақида хабарлар пайдо бўлган.
Мавзуга доир:
- Коронавирус сабаб Ўзбекистонда халқаро тадбирлар ва спорт мусобақалари вақтинча тўхтатилди
- Қирғизистонда коронавирус сабаб барча спорт мусобақалари бекор қилинди
- «Интер» коронавирус тадқиқотлари учун 100 минг евро ажратди
- Коронавирус сабаб Саудия Арабистонидаги спорт тадбирлари томошабинларсиз ўтади
- Халқаро хоккей федерацияси коронавирус сабаб 5 та мусобақани бекор қилди
Изоҳ (0)