Иорданиянинг Амман шаҳрида Токио—2020 Олимпиадасига лицензия берадиган мусобақанинг навбатдаги жанглари 9 март, душанба куни ўтказилмоқда.
-52 килограмм вазн тоифаси вакили Шаҳобиддин Зоиров чорак финал жангида эронлик Омид Аҳмадисафага қарши рингга чиқди. Жанг давомида катта устунликка эга бўлган Шаҳобиддин 3 раунд якунига кўра, Аҳмадисафани 5:0 ҳисобида таслим қилди.
Шу тариқа Шаҳобиддин Зоиров ҳам Токио Олимпиадасига йўлланмани қўлга киритди ва лицензион мусобақанинг ярим финалига йўл олди.
Эслатиб ўтамиз, аввалроқ Бобоусмон Ботуров, Санжар Турсунов ҳамда Баҳодир Жалоловларнинг Олимпиадага йўлланмани қўлга киритгани ҳақида хабар берилганди.
Изоҳ (0)