Россия президенти Владимир Путин ҳамда Туркия президенти Ражаб Тоййиб Эрдўғон Суриянинг Идлиб вилоятида жанговар ҳаракатларни тўхтатишга келишиб олди. Бу ҳақда Москвада икки мамлакат президентлари иштирокида 6 соатдан ортиқ бўлиб ўтган музокаралар якунида маълум қилинди, деб хабар беради Meduza.
Томонларнинг мавжуд кесишувчи ҳудудларида ҳарбий ҳаракатларнинг тўхтатилиши 6 март куни ярим тунда эълон қилинади. Бундан ташқари, Россия ва Туркия М-4 трассасининг жанубида эни 6 километрга тенг хавфсиз коридор яратади, шунингдек, биргаликда уни назорат қилишни бошлайди.
Шу билан бирга, Путин ва Эрдўғон Сурия можаросини тартибга солиш бўйича ҳамкорликдаги ишларни давом эттиришга келишиб олган.
Идлибдаги вазият Туркиянинг Сурия ҳукумати қўшинларига қилган ҳужуми оқибатида чигаллашган. Февраль охирида Анқара Суриянинг ҳаводан ҳужуми оқибатида 33 нафар турк ҳарбийсининг ҳалок бўлганини тасдиқлаган ва ушбу ҳаракатга ҳужум билан жавоб қайтарганди. Шунингдек, Туркия Сурия қўшинларининг Алепподаги аэродромига ҳам зарба берган.
Изоҳ (0)