Бокс бўйича бешта вазнда собиқ Жаҳон чемпиони Флойд Мейвезер 600 миллион доллар эвазига ирландиялик MMA жангчиси Конор Макгрегор билан реванш жангги ўтказишга тайёрлигини маълум қилди.
Бундан ташқари Флойд россиялик MMA жангчиси, UFC чемпиони Ҳабиб Нурмагомедов билан беллашишга тайёрлигини таъкидлади, деб ёзади Mirror.
«Ижтимоий тармоқларда муҳокама қилганимиздек ҳозир иккита ном бор: Макгрегор ва Нурмагомедов. Бу мен учун 600 миллион долларни англатади. Агар таваккал қилишга қарор қилгудек бўлсам, албатта, бунинг ўзига яраша тўлови бўлади. Охирги марта биз нархни 250 дан 300 миллионга кўтаргандик. Жорий йилда ушбу чегарани ҳам забт эта оламиз деб умид қиламан», — дейди Флойд.
Маълумот учун, 2018 йилда UFC чемпиони Ҳабиб Нурмагомедов Флойд Мейвезерга жанг ўтказиш таклифи билан чиққандан сўнг америкалик боксчи телеканалларга ушбу баҳснинг намойиш этиш ҳуқуқини қўлга киритиш учун маблағ тайёрлаб қўйишга чақирганди.
Эслатиб ўтамиз, Мейвезер 2017 йилда бокс қоидалари бўйича ўтказилган жангда Конор Макгрегорни мағлуб этиб, WBC’нинг махсус камарини қўлга киритганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)