«Ювентус» клубининг португалиялик ҳужумчиси Криштиану Роналду инсултни бошдан кечирган онаси Долорешнинг ҳолати ҳақида маълумот берди.
«Онамни қўллаб-қувватлаган барчага раҳмат айтаман. Айни дамда у касалхонада ва ўзини яхши ҳис этмоқда. Мен ва оила аъзоларим унга ғамхўрлик қилаётган медицина ходимларига ташаккур билдирамиз», — дейди Роналду.
Таъкидланишича, шифокорларнинг тезкор ҳаракатлари туфайли хуружнинг оғир оқибатлари олди олинган. Инсултнинг бу кўриниши тилда нуқсонлар пайдо қилиши ва шолга олиб келиши мумкин эди.
Аввалроқ 35 ёшли футболчи онасининг ҳолатидан хабар топгач Италиядан Мадейрага йўл олгани маълум қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)