Халқаро олимпия қўмитаси (ХОҚ) Россия терма жамоаси сафида уч карра Олимпия ўйинлари совриндори Ольга Забелинскаяга Ўзбекистон байроғини ҳимоя қилишга рухсат берди. Бу ҳақда ХОҚ вакили Марк Адамс Лозаннада бўлиб ўтган ижроқўм йиғилишида маълум қилган.
Шунингдек, россиялик бешкурашчилар Алисе Фахрутдинова ва Александр Савкин, эркин кураш бўйича Европа чемпиони Иляс Бекбулатовга ҳам Ўзбекистон номидан Олимпиадада қатнашишга рухсат берилди. Адамснинг сўзларига кўра, барча спортчилар белгилаб қўйилган «карантин»сиз Ўзбекистон терма жамоаси сафига қўшилиши мумкин.
Забелинская 2018 йилда спорт фуқаролигини Россиядан Ўзбекистонга алмаштирган эди. Шундан кейин у мусобақаларда велоспортчилар халқаро иттифоқи (UCI) номидан қатнашаётганди. Бироқ Олимпиадада иштирок этиш учун Миллий олимпия қўмитаси (МОҚ) ва ХОҚ ижроқўми қарори лозим эди. Аввалроқ Ўзбекистон МОҚ Забелинская Токиодаги Олимпиадада Ўзбекистон номидан қатнашиши мумкинлигини маълум қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)