Қозоғистон президенти Қосим-Жўмарт Тўқаев 8 март—Халқаро хотин-қизлар куни муносабати билан Нур-Султонда ўтказилиши режалаштирилган концерт ва йиғилишни бекор қилди, деб ёзади Tengrinews.
«Нур-Султонда халқаро хотин-қизлар куни муносабати билан ўтказиладиган тантанали йиғилиш ва концертни бекор қилишга қарор қилдим. Бу бутун дунё бўйлаб коронавируснинг тарқалиши муносабати билан хавфсизлик нуқтаи назаридан амалга оширилди», — деб ёзади президент Twitter’да.
Қосим-Жўмарт Тўқаев аёлларга бахт, саломатлик ва хотиржамлик тилаган.
Эслатиб ўтамиз, бутун дунё бўйлаб янги турдаги COVID-19 коронавируси билан касалланганлар сони 88 232 кишига етди.
Хитой Соғлиқни сақлаш миллий комиссиясининг маълумотларига кўра, Хитойда сўнгги бир сутка ичида 42 та ўлим ҳолати қайд этилган бўлиб, яна 202 кишида коронавирус аниқланган.
Аввалроқ Ташқи ишлар вазирлиги Жанубий Кореяда бўлиб турган ва ушбу давлатга боришни режалаштираётган ўзбекистонликларга мурожаат қилиб, коронавирус тарқалишининг олдини олиш мақсадида Ўзбекистон Транспорт вазирлиги Жанубий Корея авиация идоралари 1 мартдан бошлаб икки мамлакат ўртасидаги авиақатновларда вақтинчалик чеклаш чоралари жорий қилиниши тўғрисида расман хабардор қилганди.
Мавзуга доир:
Изоҳ (0)