2 мартга ўтар кечаси Бағдоддаги «яшил ҳудуд»га иккита ракета келиб тушди. Бу ҳақда Ироқ хавфсизлик хизматидаги манбасига таяниб, Al Sumaria телеканали хабар берди.
Маълумотларга кўра, ракеталар пойтахтнинг марказий қисмига, давлат муассасалари ва хориж элчихоналари, хусусан, АҚШ элчихонаси жойлашган ҳукумат даҳаси («яшил ҳудуд») яқинига келиб тушган.
Кўнгилсиз ҳодиса оқибатида ҳеч ким ҳалок бўлмаган. Ракеталар Бағдод шарқидаги ҳудуддан залп ўт очиш тизимидан учирилган.
Al Arabia телеканалининг маълумотларига кўра, ракеталар сони тўртта бўлган ва улардан бири Америка элчихонаси яқинига келиб тушган.
Эслатиб ўтамиз, февраль ойининг ўрталаридан ҳам Бағдоддаги АҚШ элчихонасига ракета зарбалари берилган эди.
Изоҳ (0)