Шимолий Корея Япония денгизи томон номаълум иккита снаряд отди. Бу ҳақда Yonhap агентлигига таянган ҳолда «РБК» хабар бермоқда.
Таъкидланишича, бу 2019 йилнинг 28 ноябридан буён КХДР томонидан отилган биринчи снаряд. Ўтган йилда Пхеньян 13 марта шундай амалиётни ўтказган эди.
Снарядлар КХДР жануби-шарқидаги Вонсан шаҳридан Япон денгизи томон отилган.
2019 йилнинг декабрь ойида Шимолий Корея АҚШни Корея яриморолини ядросизлантириш бўйича музокараларни атайлаб кечиктиришда айблаб, буни Дональд Трампнинг қайта сайланиши билан боғлиқ ички сиёсий кун тартибига «вақтни тежаш учун ҳийла» деб атаган.
2020 йил бошида Шимолий Корея етакчиси Ким Чен Ин КХДР «янги стратегик қурол» намойиш этишни режалаштираётганини эълон қилган.
Мавзуга доир: КХДР ядро қуролларининг синовини тўхтатмоқчи эмас
21 январь куни Шимолий Корея ядро синовларига мораторийни бажаришдан бош тортди. КХДРнинг БМТ қошидаги Женевадаги доимий ваколатхонаси маслаҳатчиси Чжу Ён Чхол Пхеньян АҚШ томонидан бажарилмаётган мажбуриятларни бир томонлама бажаришдан маъно кўрмаётганини айтган.
Эслатиб ўтамиз, Сингапурда 2018 йилда Трамп ва Ким Чен Ин тарихда биринчи марта ўтказган АҚШ ва КХДР саммити якунида ҳамкорликда ҳужжат имзоланган, унда Вашингтон томонидан хавфсизликни таъминлаш кафолати эвазига Пхеньян Корея ярим оролини ядродан холи этиш мажбуриятини олган эди.
Изоҳ (0)