Филиппин пойтахти Манила шаҳрида қуролланган шахс савдо марказида 30 кишини гаровга олди, деб хабар берди «РБК».
Савдо марказида отишма юз бериб, бир киши жароҳатланганидан сўнг полиция марказни ўраб олган. Жабрланувчи шифохонада, унинг аҳволи барқарор эканлиги айтилмоқда.
Шаҳар маъмуриятининг маълум қилишича, одамларни савдо марказининг собиқ қоровули гаровга олган. Дастлабки маълумотларга кўра, у ўқотар қурол ва граната билан қуролланган.
Ҳозир у билан музокара олиб борилмоқда, эркак овқат ва сув сўраган.
Қайд этилишича, савдо марказининг хавфсизлик хизмати сал аввалроқ эркакни ишдан бўшатган. У одамларни гаровга олишдан аввал бошқа ҳамкасбларидан ўзига шерик бўлишни сўраган, бироқ улар эркакнинг таклифини рад этган.
Изоҳ (0)