Жанубий Кореяда янги турдаги COVID-19 коронавируси билан касалланиш бўйича яна 60 та ҳолат қайд этилди, бир киши вафот этди. Бутун мамлакат бўйлаб эса касалликка чалинганлар сони 893 кишини ташкил этмоқда, жами саккиз киши вафот этган. Бу ҳақда Жанубий Корея касалликлар профилактикаси ва уларни назорат қилиш марказига таяниб, «РИА Новости» хабар берди.
Жанубий Кореяда эпидемиологик хавф даражаси тўртинчи (қизил)га қадар кўтарилган.
22 нафар бемор даволанишга муваффақ бўлган, 13 273 киши текширувдан ўтказилган. Вафот этганларнинг олти нафари Чхондо шаҳрида Тэнам округидаги шифохонада бўлган. Касалланиш бўйича 16 та янги ҳолат Тэгу шаҳри, 33 таси Кёнсан-Пукто провинциясида аниқланган бўлиб, қолганлари мамлакатнинг турли вилоятларида.
Мавзуга доир:
Изоҳ (0)