АҚШ президенти Дональд Трамп администрацияси коронавирусга қарши курашиш учун Конгрессга давлат бюджети ҳисобидан қўшимча маблағлар ажратиш бўйича сўров тайёрламоқда, дейилади The Washington Post хабарида.
Хабарга кўра, администрация COVID-19’га қарши кураш учун зарур маблағ ҳисоб-китобини олиб бормоқда. Сўров яқин кунлар ичида юборилиши ва бюджетдан тахминан 1 млрд доллар ажратиш таклиф қилиниши мумкин.
Эслатиб ўтамиз, COVID-19 коронавирус 2019 йил охирида Хитойнинг Хубэй провинцияси Ухань шаҳрида тарқала бошлаган. Кейинчалик ушбу вирусга чалиниш ҳолатлари Хитойдан ташқарига, жумладан, Россия, Эрон, Тайван, Япония, Жанубия Корея ва бошқа мамлакатларда кузатилди. 24 февраль ҳолатига кўра Хитойда касалликдан 2,6 минг нафар одам вафот этган, 25 минг нафар бемор тузалган, жами касалланганлар сони 77 мингдан ошган. АҚШда эса коронавирусга йўлиқиш бўйича 35 та ҳолат кузатилган. Жаҳон соғлиқни сақлаш ташкилоти эпидемияни халқаро миқёсдаги фақулодда вазият деб эълон қилган.
Изоҳ (0)