Хитой Соғлиқни сақлаш миллий комиссияси мамлакатда ўтган бир сутка давомида COVID-19 коронавируси оқибатида вафот этганлар 71 кишини ташкил этиб, жами вафот этганлар эса 2663 кишига етганини маълум қилди.
24 февраль куни Хитой ҳудудида вирусни юқтириб олиш бўйича 508 та ҳолат қайд этилган. Шу билан бирга, 2589 киши даволанишга муваффақ бўлиб, уларга тиббиёт муассасаларидан жавоб берилган. 71 киши вафот этган (уларнинг аксарияти Хубэй провинциясидан).
Вирусдан жами 27 230 киши даволанишга муваффақ бўлган, бутун мамлакат бўйлаб 641 минг одам текширувлардан ўтган. Айни вақтда коронавирус оқибатида жами вафот этганлар 2663 кишини ташкил этмоқда, касалликка чалинганлар эса 77 мингдан ортиқ.
Аввалроқ Хитойнинг Россиядаги элчиси ХХРда коронавирусга қарши вакцина ишлаб чиқилганини маълум қилганди. Трамп администрацияси коронавирусга қарши кураш учун давлат бюджетидан 1 миллиард доллар олмоқчи, Европа иттифоқи эса коронавирусга қарши кураш учун 232 миллион евро ажратадиган бўлди.
Изоҳ (0)