Япониянинг Ниигата префектурасида икки ҳафта олдин сайёрадаги энг кекса эркак деб расман тан олинган 112 ёшли Титэцу Ватанабэ вафот этди, деб хабар беради Kyodo агентлиги.
Маълумотларга кўра, у 23 февраль куни Дзёэцу шаҳрида жойлашган қариялар уйида оламдан ўтган.
Ватанабэ 12 февраль куни Ер сайёрасидаги энг кекса эркак номига сазовор бўлганди. Ўша вақтда у 112 ёшу 344 кунлик эди. Гиннес рекордлар китобининг вакиллари унга тегишли сертификатни ҳам топширган.
Титэцу Ватанабэ 1907 йил 5 мартда туғилган. У оиласидаги саккиз фарзанднинг тўнғичи эди. Ўқишни тамомлагач, Dai-Nippon Meiji Sugar компаниясининг ходимига айланган ва Тайванга кўчиб кетган. Унинг вазифаси плантациялардан шакарқамишларни етказиб бериш бўйича шартномалар тузишдан иборат бўлган. Иккинчи жаҳон урушида қатнашган. 1974 йилга қадар (нафақага чиққунча) қишлоқ хўжалиги соҳасида ишлаган. Ватанабэнинг 5 нафар фарзанди, 12 нафар набираси ва 16 эвараси бор.
Изоҳ (0)