WikiLeaks асосчиси Жулиан Ассанж Лондондаги Вуилжа Қироллик судига етиб келди ва 24 февралдан у ерда маҳкумни АҚШга экстрадиция қилиш бўйича эшитув бошланган. Бу ҳақда Reuters хабар берди.
Суд биноси яқинида Ассанж тарафдорлари тўпланган, айримлар суд ёнидаги кўчаларга чодир тикиб шу ерда яшамоқда, дейилади агентлик хабарида. Одамлар «Жулиан Ассанж озод қилинсин» деб бақирмоқда, ушбу ҳайқириқлар суд залигача эштилаётгани қайд этилган.
Reuters’нинг ёзишича, судья бу каби жанжал кўтариш Ассанж ишида наф келтирмаслигини таъкидлаган.
АҚШ вакили Жеймс Льюис судга Ассанжни компьютерларга бузиб киришни амалга оширгани ва махфий ахборотларни тарқатганлиги учун Америкага экстрадиция қилишни сўраган.
Льюиснинг айтишича, махфий ҳужжатларнинг ошкор қилиниши Ироқ, Эрон ва Афғонистондаги информатор ва журналистлар ҳаётини хавф остида қолдирди.
Ассанж адвокати Женнифер Робинсоннинг сўзларига кўра, WikiLeaks асосчисининг суд иши сабаб суриштирув ўтказувчи журналистлар ҳам жиноий жавобгарликка тортилиши мумкинлигини билдирга. Ассанж ишида «АҚШнинг Ироқ ҳамда Афғонистонда қандай уруш олиб боргани ҳақидаги» маълумотларни фош қилади, деган оқловчи.
Мавзуга доир:
Изоҳ (0)