Россиянинг Владивосток шаҳрида жойлашган Ўзбекистон Бош консулхонаси 2020 йил 30 январь куни Хабаровск ўлкасида содир бўлган йўл транспорт ҳодисасидан сўнг Хабаровск шаҳри касалхонасига жойлаштирилган Ўзбекистон фуқароси С.Ф. комадан чиқмай 14 февраль куни касалхонада вафот этганини маълум қилди.
Мазкур вазият Бош консулхонанинг доимий назоратида бўлган. Ҳозирги вақтда Ўзбекистон Бандлик ва меҳнат муносабатлари вазирлиги Ташқи меҳнат миграцияси агентлигининг Москва шаҳридаги ваколатхонаси билан биргаликда марҳумнинг жасадини Ўзбекистонга юбориш билан боғлиқ консуллик-ҳуқуқий, ташкилий ва бошқа масалаларни ҳал қилинмоқда.
2020 йил 30 январь куни Хабаровск ўлкасининг Лазо туманида Mazda Demio русумли автомобиль катта юк машинаси билан тўқнашган, оқибатда Mazda ичидаги аёл воқеа жойида вафот этган. 67 ёшли ҳайдовчи ва 57 ёшли эркак касалхонага олиб кетилганди.
«Консуллик-ҳуқуқий департаменти марҳумнинг оила аъзолари ва яқинларига таъзия билдиради ҳамда эслатиб ўтадики, Россиянинг Узоқ шарқий федерал округи ҳудудида жойлашган фуқароларимиз зарур вазиятларда мамлакатимизнинг Владивосток шаҳридаги Бош консулхонасига қуйидаги телефон рақамлари орқали мурожаат қилишлари мумкин: +7-423-260-48-00, +7-951-018-70-07», — дейилади хабарда.
Изоҳ (0)