Италия фуқароси Жоржо Гено Тошкентда ижарага олинган хонадонида ўлик ҳолда топилди. Бу маълумотни Бош прокуратура матбуот хизмати тасдиқлади.
Воқеа жойи кўздан кечирилган вақтда хонадон эшиги бузилгани, хоналардаги буюмлар тартиб ҳолда экани, ҳалок бўлган одамнинг танасида ташқи жароҳатлар йўқлиги аниқланган.
Ўлим сабабини аниқлаш мақсадида суд тиббий экспертизаси ўтказилиши белгиланган. Терговга қадар суриштирув ишлари олиб борилмоқда.
Жоржо Генонинг ўлими ҳақидаги хабарлар Италия ОАВда 20 февраль, пайшанба куни тарқалишни бошлаган. Хабарларга кўра, йигитнинг ота-онаси уч кун давомида у билан боғлана олмаган ва маҳаллий ҳокимият вакилларидан бу борада ёрдам сўраган, якунда Гено квартирада ўлик ҳолда топилган.
Жоржо Гено кўп йиллар давомида хорижда, жумладан, Австралия ва Собиқ Иттифоқ таркибига кирган аксар мамлакатларда яшаган. У Ўзбекистонга бир неча ой илгари келганди. Ота-онасининг сўзларига кўра, Жоржонинг соғлиғи жойида бўлган ва у бодибилдинг билан шуғулланган.
Австралиянинг Star Now сайтида берилган маълумотда Жоржо Генонинг ижодни энди бошлаган актёр ва модел экани ёзилган.
Мавзуга доир:
- Наримон Григорян бир йигитнинг бошқа бир йигитга рашки сабаб ўлдирилганми?
- «Марҳумнинг мурдасига бензин сепиб, ўт қўйилган». Наримон Григоряннинг ўлдирилиши билан боғлиқ янги тафсилотлар
- Наримон Григорянни ўлдиришда гумон қилинаётган шахс қамоққа олинди
- Дизайнер Наримон Григорян жасади топилганидан 3 кун аввал ўлдириб кетилгани маълум бўлди
- Дизайнер Наримон Григоряннинг жасади ўзи ижарада яшайдиган уйдан топилган. Жиноят иши қўзғатилди
Изоҳ (0)